वीरगञ्ज। जनता समाजवादी पार्टी (जसपा) र नेकपा एमाले गठबन्धन पर्साले क्षेत्र नम्बर २ मा आफ्नो चुनावी प्रचारप्रसारका क्रममा आज बहुदरमाई न.पा. वडा- २ मा घरदैलो कार्यक्रम सुरु गरेको छ ।
आज विहान देखि वडा न २ का टोलहरू पश्चमि टोला बैरिया बैरिया ,शिवटोला बैरिया ,सिसियाडी ,दलित बस्ती सिसियाडी,र पिपरा लगायतका टोलहरुमा घरदैलो कार्यक्रम सुरु भएको हो । जसपाका नेता कार्याकर्ता तथा प्रतिनिधिसभाका लागि पर्सा निर्वाचन क्षेत्र नम्बर २ का उम्मेदवार अधिवक्ता सुरेन्द्र कुर्मी र पर्सा निर्वाचन क्षेत्र नम्बर २(ख) बाट प्रदेश सभाका उम्मेदवार हरेराम प्रसाद पटेल आफ्नो चुनावी प्रचार अभियानमा खटिएका नेता तथा कार्यकर्ताहरूसँग घरदैलो गरिरहेका छन्।
जसपा र नेकपा एमालेका साझाँ उम्मेदवार सुरेन्द्रर प्र. कुर्मी र हरेराम प्रसाद कुर्मी घरघरमा मतदाताहरूलाई भेटेर भोट दिन आग्रह गरेका थिए । घरदैलोका क्रममा प्रतिनिसभा का उम्मेदवार सुरेन्द्र कुर्मी र प्रदेश सभाका उम्मेदवार हरेराम प्रसाद कुर्मीलाई स्थानीयले स्वागत गर्दै जीतको शुभकामना पनि दिएका थिए । नेकपा एमाले बहुदरमाई नगरपालिकाका नगर प्रत्यासी एमाले नेता शिव पटेल,जसपा युवा नेता सुनिल कुशवाहा क्षेत्रीय अध्यक्ष कामेश पडित , संचारकर्मी पन्नालाल साह,मनोज पटेल ,नागिन्द्र यादव , बिनय यादव, संचारकर्मी कृष्णा यादव लगायतको उपस्थिति रहेको थियो!
