वीरगन्ज । पर्सा – ३ मा नेकपा एमालेमा प्रवेश गर्नेहरुको लहर चलेको छ । नेकपा एमालेले नै देशको सच्चा पहरेदार भएकाले बताउदै दैनिक दर्जनौ नेताहरुले पार्टी परित्याग गरी नेकपा एमालेमा प्रवेश गरिरहेका छन् ।
नेकपा एमाले पकाहामैनपुर गाउँपालिका वडा नं १ का वडा निर्वाचन परिचालन कमिटीको आयोजना गरिएको वडा स्तरीय भेलामा पोखरीया नगरपालिका वडा नं ७ का सुरेश पटेल , अमल माली र धोरेका रामजी शर्माको नेतृत्वमा दर्जनौ नेताहरुले नेपाली कांग्रेस पार्टी परित्याग गरी नेकपा एमालेमा प्रवेश गरेका हुन् ।
सम्पूर्ण नवप्रबेशीहरुलाई नेकपा एमालेका केन्द्रिय सदस्य एवं पर्सा क्षेत्र नं ३ का प्रतिनिधि सभा सदस्य उम्मेदवार राजकुमार गुप्ताले अबीर खाँदा लगाई पार्टीमा स्वागत गरेका थिए ।
उक्त कार्यक्रममा प्रदेश सभा सदस्य उम्मेदवार डा मधु गुप्ता , समानुपातिक उम्मेदवार तेजप्रकाश निषाद , प्रदेश कमिटी सदस्य शिव पटेल , जिल्ला कमिटी उपसचिव संजिव मिश्रा , राष्ट्रिय युवा संघ नेपाल पर्सा अध्यक्ष मोहमद निजाम , नेता धामू शर्मा , विजय चौरसिया लगायतको उपस्थिति रहेको थियो।
