वीरगञ्ज, ९ फागुन । वीरगञ्ज महानगरपालिकाले लामुखुट्टे मार्ने विषादी छर्कने तयारी गरेको छ । वीरगञ्जमा केहि दिन यता फेरि लामखुट्टेको संख्या बढेर समस्या भइरहेको जनगुनासोलाई मध्यनजर गर्दै महानगरपालिकाले फागुन १० गते भोलीदेखि लामखुट्टे मार्ने विषादी छर्कने अभियाान शुरु गर्ने भएको हो ।
केहि दिन यता फेरि लामखुटटेको प्रकोप बढेको र त्यसबाट फैलन सक्ने मलेरिया, डेंगु जस्ता रोगको संक्रमण नियन्त्रणका लागि लामखुट्टे मार्ने विषादी छर्कने अभियान शुरु गर्न लागिएको महानगरपालिकाको सरसफाइ शाखाका प्रमुख सरफुदिन मियाँले जानकारी दिए ।
वीरगञ्जका ३२ वटै वडामा बिहान र बेलुका गरि दिनको दुइ पटक विषादी छर्किने मियाँले बताए । फागुन १० देखि चैत ६ गते सम्म ३२ वटै वडामा बिहान र बेलुकी गरि पम्प स्प्रे र एयर स्प्रे गरिने महानगरपालिकाले जनाएको छ ।
