वीरगन्ज,१७फागुन : पर्साकाे ग्रामीण भेगमा विद्युत चाेरी गर्ने ८ जना पक्राउ परेका छन् ।
नेपाल विद्युत प्राधिकरण पाेखरिया वितरण केन्द्रबाट खटिएको विद्युत चुहावट नियन्त्रण टाेलीले विन्दवासिनी, सखुवा प्रसाैनी , जिराभवानी र जगरनाथपुर गाउँपालिका विभिन्न गाँउबाट उनिहरुलाई पक्राउ गरेकाे हाे ।
नेपाल प्रहरी र सशस्त्र प्रहरीसंगै मंगलबार राति खटिएको प्राधिकरणकाे टाेलीले विद्युतकाे पाेलमा सिधै तार हुकिङ गरि विद्युत प्रयाेग गरिरहेका बहुअर्वा, लखनपुर, सखुवनिया, हरैया, नाैका टाेला र हरपुरबाट ८ जना घरधनी सहित १ थान फ्रिज नियन्त्रणमा लिएकाे हाे ।
पक्राउ परेकाहरुलाई ईलाका प्रहरी कार्यालय पाेखरियाकाे हिरासतमा राखेर कारबाही प्रकृया अगाडि बढाइएकाे प्राधिकरण पाेखरिया वितरण केन्द्रका प्रमुख जगन्नाथ झाले जानकारी दिए ।
