वीरगञ्ज । जनमत पार्टीका अध्यक्ष डा. सीके राउतले बारा–२ मा भएको उपनिर्वाचनमा विजयी जनता समाजवादी पार्टी नेपाल (जसपा) का अध्यक्ष उपेन्द्र यादवलाई बधाई दिएका छन् ।
पाँच हजार भन्दा बढी मतान्तरले विजयी भएका यादवलाई डा. राउतले बधाई दिएका हुन् । यादवले २८ हजार ४१५ मत प्राप्त गर्दा भने जनमतका शिवचन्द्र कुशवाहाले २३ हजार ३३४ मत पाएका छन् ।
डा. राउतले सामाजिक सञ्जाल मार्फत यादवलाई बधाई दिँदै लेखेका छन्, ‘निर्वाचन हो, ३४ जना उम्मेदबारमध्ये एउटाले न जित्ने हो । अन्य पार्टीहरूले पनि लोकतन्त्रप्रति आफ्नो जिम्मेबारी सहृदयताका साथ वहन गरेको छ ।’
जनमतले पार्टीले जनताको माया पाएको भन्दै राउतले मतदान गर्ने सबैलाई धन्यवाद भनेका छन् ।
