वीरगंज । बैंकिङ कसूर (चेक बाउन्स) मुद्दाका फरार १ जना प्रतिवादीलाई जिल्ला प्रहरी कार्यालय पर्सा मातहत रहेको ईलाका प्रहरी कार्यालय पोखरीयाबाट खटिएको प्रहरीले आईतबार पक्राउ गरेको छ । पक्राउ पर्नेमा पर्साको बहुदरमाई नगरपालिका वडा नं २ का निर्वाचित वडा अध्यक्ष एवं नेपाली कांग्रेस पर्साका नेता जितेन्द्र पटेल रहेका छन् ।
वडा अध्यक्ष पटेललाई उच्च अदालत जनकपुरधाम अस्थाई इजलास वीरगन्जले बैंकिङ कसुर मुद्दामा पक्राउ अनुमति जारी गरेको जिल्ला प्रहरी कार्यालय पर्साले जनाएको छ । पक्राउ परेका वडा अध्यक्ष पटेलमाथि ४ / ५ वटा चेक बाउन्सको मुद्दा दायर रहेको एक प्रहरीले बताएका छन ।
