वीरगंज । पर्सा जिल्लाको ग्रामिण भेगको पकाहामैनपुर गाउँपालिका वडा नं १ को धोरे नाका हुदै व्यापक रुपमा तस्करी बढेपनि स्थानीय प्रंहरी प्रशासन मुखदर्शक बन्न बाहेक केही गर्न सकेका छैन्न । तस्कर समुहले स्थानीय प्रहरी प्रशासनलाई मोटो रकमको नजराना बुझाएकै कारण तस्कर समुहले तस्करी कार्यलाई तिब्रता दिएका हुन ।
शान्ति सुरक्षाको साथै सीमा स्तम्भ लगायत सीमाबाट हुने अवैध कृयाकलापको जिम्मा पाएका सुरक्षाकर्मीहरुकै मिलोमतोमा तस्करी बढ्नुले संगठनको नीति निर्देशन माथि नै प्रश्ण चिन्ह खडा भएको छ । नेपाली नागरिक सुरक्षाको जिम्मा पाएका नेपाल प्रहरी र सीमा सुरक्षाको जिम्मेवारी पाएका सशस्त्र प्रहरीले तस्कर समुहसंग मासिक रुपमा मोटो रकमको नजराना बुझ्ने गरेको परम्परा चल्दै आएको कारण धोरे नाका तस्करहरुको अखडामा रुपान्तरण हुन थालिएको हो ।
सशस्त्र प्रहरी बल पकाहामैनपुर र प्रहरी चौकी धोरे क्षेत्रबाट प्रहरीहरुकै सामुनेबाट खुल्लेयाम तस्करीहरु भईरहेको स्थानिय प्रत्यक्षदर्शीहरुले बताएका छन् । सशस्त्र प्रहरी बल पकाहामैनपुरका सई र प्रहरी चौकी धोरे असईले तस्करहरु सँग महिनवारी लिएकै कारण निर्वाध रुपमा तस्करी भईरहेको स्थानियहरुले गुनासो गरेका छन् ।
सशस्त्र प्रहरी बल पकाहामैनपुरका सई र प्रहरी चौकीका ईन्चार्जले आफ्नो बिस्वास पात्र प्रहरी हवलदार र प्रहरी जवानहरूलाई घुमुवाको रूपमा परिचालन गरेका हुन् । त्यही घुमुवाको माध्यमले महिनाको १ लाख देखि ३ लाख सम्म तस्करहरुबाट महिनवारी बुझदै आएको स्रोतको दाबी रहेको छ । रातीको करिब १० बजे देखि बिहान ४ बजे सम्म सो क्षेत्रबाट ट्याक्टर , साइकल र मोटरसाइकलको माध्यमले निर्वाध रुपमा गहुँ, किराना समाग्री तस्करी हुने गरेको स्रोतले जनाएको छ ।
सो क्षेत्रबाट तस्करीका साथ साथै अवैध रुपमा घरेलु मदिरा उतपादन र विक्रि वितरण पनि सञ्चालन भईरहेको स्रोतले जनाएको छ । सो क्षेत्रमा करिब आधा दर्जन घरेलु मदिरा उतपादन गर्ने भठ्ठीहरुबाट पनि प्रहरी चौकीका ईन्चार्जका इन्चार्जहरुलाई महिनवारी आईरहेको सो चौकीमै कार्यरत्त एक प्रहरीले नाम उल्लेख नगर्ने शर्तमा बताएका छन् ।
प्रहरी चौकी धोरे र स्थानीय बिओपी पकाहा मैनपुरको मिलोमतो व्यापक रुपमा तस्करी बढेको पाइन्छ । रातिको समयमा तस्कर समुहहरुको लस्करै लाग्ने गरेको समेत स्थानीयले दुखेसो पोखेका छन । स्थानीयका अनुसार जनताको सुरक्षा प्रहरीले गरिरहेको बारे झुटयाउदै, प्रहरीले मात्र तस्कर समुहको सुरक्षा गर्ने गरेको दुखेसो पोखे ।
केही घटना घट्दा प्रहरी घटना स्थलमा आउन अबेला गर्छन तर तस्करीको समयमा आफ्नो भाग बन्डा मिलाउन समयमै नाकामा पुग्ने गरेको दुखेसो स्थानीयले यस अनलाइन समक्ष पोखे । स्थानीयले प्रहरी जनताको सेवक हो की तस्करको भन्दै प्रश्ण समेत गरे ? प्रहरीले तस्कर समुहको सुरक्षा गरेकै कारण दर्जनौ तस्कर समुह धोरेमा सकृय भएको समेत दावी गरे ।
केही दिनदेखी बढ्दै गएको तस्करीको बिषयमा जिल्ला प्रहरी कार्यालय पर्साका प्रमुख प्रहरी उपरीक्षक कोमल विक्रम शाहले तस्करी नियन्त्रण गर्न आफू लागिपरेको र आफ्नो मातहातमा पर्ने कुनैपनि प्रहरी चौकीका प्रमुख तस्करी कार्य अथवा तस्कर संगठनसंग सहकार्य गरेको बिषयमा फेला परे कारवाही गर्नबाट पछि नहट्ने बताउनु भएको छ ।
