पर्सा-वहुदरमाई नगरपालिका वडा नम्बर 3 नगरदाहामा रहेको श्री महाबिर साह माध्यमिक विद्यालयमा आज सोमबार देखि एनसीसी सम्बन्धि तालिम सुरुभएको छ ।
विद्यालयको आयोजनामा आज देखि ८९ दिन अर्थात करिब ३ महिना सम्म चल्ने तालिममा सहभागी विद्यार्थीहरुलाई आज श्रीजंग गण वीरगंजका गणपति डायमण्ड कार्कीले प्रशिक्षण दिनुभएको छ । श्रीजंग गण वीरगंजका प्रधान सेनापति समेत रहनुभएका कार्कीले एनसीसी सम्बन्धि विद्यार्थीलाई उत्प्रेरणा प्रदान गर्नुभएको थियो ।विद्यालयको प्रधानाध्यापक अजय साहको अध्यक्षतामा सुरु भएको तालिमा सह सेनानी सुदर्शन उपाध्य , संदिप कुमार साह, प्रेमबहादुर बुढा ,बहुदरमाई नगरपालिकाका युवा समाजसेवी संचारकर्मी कृष्णा यादव सहित अभिभावक, विद्यार्थी क्याडेट तथा विद्यालयका शिक्षक स्टाफ लगायतको सहभागिता रहेको थियो ।
