भगवान् श्री कृष्णको ५२५० औ शुभ जन्मोत्सव को अवसरमा आज गोपाल सेवा समिति पर्साले वीरगन्जमा रक्तदान कार्यक्रम सम्पन्न गरेको छ।
गोपाल सेवा समिति पर्साका अध्यक्ष सुरेन्द्र प्रसाद यादवको अध्यक्षतामा आयोजित सो रक्तदान कार्यक्रमको उद्घाटन गर्दै अतिथि समाजसेबी श्री अशरफी यादवले रक्त जम्मा पार्ने प्याकेट प्रदान गरेका थिए । युवा गोपाल सेवा समिति पर्साका अध्यक्ष कृष्ण यादवले स्वागत एवम् क्षेत्रीय सचिव हरि यादवले कार्यक्रम संचालन गर्नु भएको सो कार्यक्रममा ६ महिला र २१ पुरुष गरी जम्मा २७ जनाले रक्तदान गरेका थिए।
कार्यक्रममा गोपाल सेवा समिति पर्साका उपाध्यक्ष जादोलाल यादव , सचिव शिवचन्द्र यादव, रबिन्द्र यादव र शिक्षक श्री सुरेन्द्र यादव लगायतका उपस्थिति रहेको थियो ।
