ईलाका प्रहरी कार्यालय पटेर्वासुगौलीमा बृहत रक्तदान कार्यक्रम आज सम्पन्न भएको छ । कार्यक्रम ईलाका प्रहरी कार्यालय पटेर्वासुगौलीका प्रमुख प्रहरी निरीक्षक रामराजा केशरीको अध्यक्षता एवंम जिल्ला प्रहरी कार्यालय पर्साका प्रमुख प्रहरी उपरीक्षक (एसपी) कोमल विक्रम शाहको प्रमुख अतिथ्यमा सम्पन्न भएको हो
अन्तराष्ट्रिय महिला हिसाँ अन्तय दिवसको अवसरमा शनिवार सम्पन्न रक्तदान कार्यक्रममा १२ महिलासहित तिन सय जनाले रगत दान गरेको रक्तसञ्चार केन्द्र वीरगञ्जका प्रमुख सौरभराज पाण्डेले जानकारी दिए ।
ग्रामीण क्षेत्रमा रक्तदान सम्बन्धी सचेतना बढाउनुको साथै रगत उपलब्धतालाई सहज बनाउने उद्देश्यका साथ कार्यक्रमको आयोजना गरिएको ईलाका प्रहरी कार्यालय पटेर्वासुगौलीका प्रमुख प्रहरी निरीक्षक रामराजा केशरीले बताए । सो अवसरमा स्थानिय जनप्रतिनिधी, समाजसेवी, संचारकर्मी लगायत बिभिन्न संस्थाका प्रतिनिधीहरुको उपस्थिती रहेको थियो
