वीरगञ्ज । साताको कारोबारको चौथो दिन बुधवार सुनको भाउ तोलामा ८ सय रुपैयाँले घटेको छ ।
बुधवार सुनको भाउ तोलामा ८ सय रुपैयाँले घटेर १ लाख १८ हजार ४ सय रुपैयाँमा कारोबार भइरहेको नेपाल सुनचाँदी व्यवसायी महासङ्घले जानकारी दिएको छ ।
सुनको भाउ मङ्गलवार पनि तोलामा २ हजार ४ सयले घटेर १ लाख १९ हजार २ सय रुपैयाँमा कारोबार भएको थियो । सोमबार सुनको भाउ अहिलेसम्मकै उच्च तोलाको १ लाख २१ हजार ६ सय रुपैयाँ पुगेको थियो ।
बुधवार चाँदीको भाउ पनि घटेको छ । मङ्गलवार तोलामा ४५ रुपैयाँले घटेर १ हजार ५ सय रुपैयाँमा झरेको चाँदी बुधवार २० रुपैयाँले घटेर १ हजार चार सय ८० रुपैयाँमा कारोबार भइरहेको महासङ्घले जनाएको छ ।
