Aadarsh-Daily

वीरगंज कारागार)मा कैदीबन्दीभन्दा थुनुवाको सङ्ख्या बढी

ad-4p

बन्दी सुधारगृह (वीरगंज कारागार)मा कैदीबन्दीभन्दा थुनुवाको सङ्ख्या बढी रहेको छ। बन्दी सुधारगृह वीरगंजका प्रमुख विनय श्रीवास्तवले कारागारमा महिला र पुरुष कैदीहरूमध्ये थुनुवाहरूको सङ्ख्या बढी रहेको बताए।

content ad p2

उनले पुरुष बन्दीगृहमा ६७१ जना कैदीबन्दी रहेका र अदालतबाट पुर्पक्षका लागि थुनामा रहेकाको सङ्ख्या ७३३ रहेको बताए। यसैगरी, महिलातर्फ ३१ जना कैदीबन्दी रहेका र ३२ जना पुर्पक्षका लागि थुनुवामा रहेको उनले जानकारी गराए। उनले महिला र पुरुष कैदीबन्दी थुनुवाहरूको सङ्ख्या सुधारगृहको क्षमताभन्दा बढी रहेको बताए।

content left

बन्दी सुधारगृह वीरगंज कारागार पुरानै संरचनामा छ र पछिल्लोपटक यसको क्षमता विस्तार भएर एक हजारजना कैदीबन्दी राख्नुपर्नेमा पुरुषतर्फ ४०० कैदीबन्दी र थुनुवाहरू बढी छन्। उनीहरूको बसाइ अहिले गर्मीमा निकै कष्टकर छ। एक हजार क्षमताको बन्दीगृहमा चार सयभन्दा बढी कैदीबन्दी  र थुुनुवाहरू भएकाले बस्नलाई समस्या भएको प्रमुख श्रीवास्तवले बताए। मरम्मतसम्भार गरेर बन्दीगृहमा रहेका पुरुषतर्फको सातवटा ब्लक सञ्चालनमा रहेको र त्यसमा क्षमताभन्दा बढी कैदीबन्दी र थुनुवाहरू हुँदा गर्मीयाममा समस्या भएको बताए। उनले कारागारतर्फबाट सातवटा ब्लकमा ४० वटा पङ्खा जडान भएको र ठूलो सङ्ख्यामा कैदीबन्दी र थुनुवाहरूले आफैं पङ्खा ल्याउने र थुनामुक्त भएपछि लिएर जाने गरेको उनले बताए।

कैदीबन्दी र थुनुवाहरूले आफैं ल्याउने पङ्खाको सङ्ख्या २१० भन्दा बढी रहेको प्रमुख श्रीवास्तवले जानकारी गराएका छन्। बन्दीगृहमा नयाँ र पुराना गरी ५१ वटा शौचालय रहेका र मौजुदा अवस्थामा सो पर्याप्त रहेको उनले बताए।  पुरुषतर्फको यो अवस्था छ भने महिलातर्फ ४० जना क्षमतामा अहिले ६३ जना कैदीबन्दी र थुनुवाहरू छन्। एउटा मात्र ब्लक रहेको महिलातर्फ भने खासै समस्या नरहेको उनले जानकारी गराए।

बन्दी सुधारगृह वीरगंज कारागारमा सबैभन्दा धेरै लागूऔषधसम्बन्धी मुद्दाका कैदीबन्दी र थुनुवाहरू रहेका प्रमुख श्रीवास्तवले बताए। महिला र पुरुष दुवै ब्लकमा लागूऔषधसम्बन्धी मुद्दामा सजाय भोग्नेहरूको सङ्ख्या बढी रहेको उनले बताए।

सम्बन्धित खबर

पोखरिया नगरपालिकामा तलबको सकस, महिनौँदेखि कर्मचारीको हात रित्तै

Aadarsh Daily

चक्रवातको प्रभावले भारी वर्षाको सम्भावना, पर्सामा उच्च सतर्कता अपनाउन प्रशासनको आग्रह

Aadarsh Daily

एनपीएलमा लुम्बिनीको धमाका, सुदूरपश्चिम ७ विकेटले पराजित

Aadarsh Daily