महासचिव मनिष मिश्रका अनुसार वैशाखमा महाधिवेशन गर्नेगरी पार्टीले तयारी थालेको छ । त्यसैमा विचार विमर्श गर्न आजदेखि केन्द्रीय पदाधिकारीको बैठक सुरु भएको हो ।
सबै प्रदेश, जिल्ला, पालिकामा समेत सांगठानिक संरचना छैन । यी सबैलाई महाधिवेशनअघि नै सुदृढ गर्नेगरी बैठकमा छलफल हुने बताइएको छ । सो
पार्टीमा चार महिनाअघि नै साधारण सदस्य वितरणको काम सुरु भैसकेको थियो । ‘तीन महिनासम्म सदस्यता वितरण भयो । त्यसको जानकारी पनि केन्द्रमा आइसकेको छ । के कति सदस्यता वितरण भयो । त्यसको बारेमा पनि समीक्षा हुने र पुनः सदस्यता वितरणको काम अगाडि बढाउने तयारी छ’ मिश्रले भने ।
यो बैठकले संविधान संशोधनको विषयमा पनि छलफल गर्ने जनाइएको छ । त्यस्तै संविधान संशोधन र पार्टीको लेबी लगायतका विषयमा पनि बैठकमा छलफल गर्ने बताइएको छ ।
