वीरगंज – पर्साका बहुदरमाई नगरपालिका अन्तर्गतका सामुदायिक विद्यालयमा पढ्ने विद्यार्थीहरु पढाई बिग्रिने डरले चिन्तित भएका छन । झन्डै ७ महिनाको तलब भत्ता नपाएका शिक्षकहरु विद्यालय बन्द गरेर सामुहि रुपमा नै साँचो पर्साका प्रमुख जिल्ला अधिकारि गणेश अर्याललाई बुझाई दिएका छन ।
बहुदरमाई नगरपालिकामा कर्मचारी र जनप्रतिनिधिको कुरा नमिल्दा बजेटले अख्तियारी पाएको छैन र कर्मचारीसंगै शिक्षकहरुको ७ महिनालेखि तलब पाउन बाकि छ । तलब नपाएर आफूहरुलाई समस्या भएको भन्दै उक्त नगरपालिकामा रहेको २० वटा सामुदायिक विद्यालयका शिक्षकहरु सामुहि रुपमा ताल्चा लगाएर साँचो प्रमुख जिल्ला अधिकारिलाई बुझाएको आज १० दिन भएको छ तर समस्या उस्तै छ ।
यसवर्षको एसईई परिक्षा चैत्र ७ गतेदेखि रहेको मितिसमेत निर्धारण भईसकेको हुदासमेत जनप्रतिनिधिहरुको आन्तरिक किचलोका कारण निर्दोष बिद्यार्थीहरुको भविष्य बिग्रिने चन्ता नगरबासीलाई भएको छ ।
विद्यार्थीहरुलाई तनाव छ , अशान्ति छ , चिन्ता र उनीहरु कहिले विद्यालय खुल्छ त्यसको पर्खाईमा छन ।
