अमेरिकी राष्ट्रपति डोनाल्ड ट्रम्पले अमेरिकामा आयातित सबै वस्तुमाथि १० प्रतिशत भन्सार शुल्क अर्थात् आयकरको घोषणा गर्नुभएको छ । उहाँले भोलिदेखि लागू हुने कर नीति विश्व व्यापारका लागि महत्त्वपूर्ण क्षण हुने विश्वास व्यक्त गर्नुभएको छ ।
यस्तै उहाँले केही देशमाथि अमेरिकी व्यापार घाटाको आधारमा अधिक आय कर लाग्ने जुन ५० प्रतिशतसम्म पनि हुनसक्ने अनुमान रहेको जिकिर गर्नुभएको छ । यो प्रणाली अप्रिल ९ देखि मात्र शुरू हुने बीबीसीको खबरमा उल्लेख छ ।
ट्रम्पको कर नीतिअनुसार बेलायती वस्तुमाथि १० प्रतिशत आय कर लाग्ने र युरोपेली सङ्घलाई २० प्रतिशतका दरले भन्सार शुल्क लाग्ने भएको छ । सबै विदेशी गाडीमा २५ प्रतिशत आयतकर लाग्ने यसअघिको घोषणा भने आजै रातिदेखि लागू हुँदैछ ।
