जिल्ला प्रहरी कार्यालय बाराले लागुऔषध चरेशसहित एकजनालाई पक्राउ गरेको छ । पक्राउ पर्नेमा मकवानपुरको थाहा नगरपालिका वडा नम्बर ६ बस्ने ३८ बर्षीय दशरथ थिंग रहेका बारा प्रहरीले जनाएको छ ।
ईलाका प्रहरी कार्यालय अमलेखगन्जबाट खटिएको टोलीले जितपुर सिमरा उपमहानगरपालिका वडा नम्बर २१ मा हेटौडाबाट वीरगंजतर्फ आउदै गरेको मोटरसाईकललाई रोकेर चेकजाँच गर्दा चरेश फेला परेको हो ।
प्रहरीका अनुसार थिंगले मोटरसाईकलको सिटमुनि लुकाई राखेको चरेश ११ किलो ६८ ग्राम फेला परेपछी थिंगलाई पक्राउ गरिएको हो ।
पक्राउ परेका थिंगमाथि आवश्यक अनुसन्धान भईरहेको छ ।
