वीरगंज — वीरगंजस्थित ठाकुरराम बहुमुखी क्याम्पसमा फर्जी विद्यार्थी भर्नाको विषयमा अनुसन्धानको माग गर्दै क्याम्पस प्रमुख र केही प्राध्यापकलाई कार्यकक्षमै रोकेर प्रदर्शन गरेका विद्यार्थी नेताहरु आज रिहा भएका छन्।
रिहा हुनेमा स्वतन्त्र युवा समूहका श्याम प्रसाद गुप्ता, समाजवादी विद्यार्थी युनियनका सागिर आलम र अखिल क्रान्तिकारीका अनिस पटेल छन्। उनीहरुलाई प्रहरीले केही दिनअघि शान्ति सुरक्षामा खलल पुर्याएको आरोपमा नियन्त्रणमा लिएको थियो।
