परराष्ट्रमन्त्री डा. आरजु राणा देउवा जापान प्रस्थान गर्नुभएको छ । भोलिदेखि जापानको टोकियोमा शुरू हुने ज्येष्ठ नागरिकमा देखिने सामाजिक एकान्ततासम्बन्धी अन्तर्राष्ट्रिय सम्मेलनमा सहभागी हुन उहाँ त्यसतर्फ जानुभएको हो ।
सम्मेलनमा मन्त्री राणाले नेपालका तर्फबाट सम्बोधन गर्ने कार्यक्रम छ । एशियाली नागरिकको कल्याण तथा शिक्षाका लागि प्रतिष्ठान (फाउन्डेशन फर द वेलफेयर एन्ड एजुकेशन अफ द एशियन पिपुल) ले आयोजना गर्ने सम्मेलनमा १२ भन्दा बढी देशका मन्त्री, सरकारी उच्च अधिकारी एवम् वरिष्ठ सामाजिक अभियन्ताहरूको सहभागिता रहनेछ ।
