अमेरिकाको कोलोराडोको बोल्डरमा एक व्यक्तिले मानिसहरूको भीडमा एक जनालाई आगो लगाउन खोज्दा अरू धेरै जना घाइते भएका छन् ।
इजरायली बन्धकहरूको समर्थनमा उनीहरूको रिहाइको माग गर्दै आयोजना भएको प्रदर्शनमा घटना भएको बीबीसीले जनाएको छ ।
घटनाबारे छानबिन गरिरहेको एफबीआईले यो घटनालाई आपराधिक गतिविधिको संज्ञा दिएको छ ।
अमेरिकामा रन फर देयर लाइभ्स नामको समूहले प्रदर्शन गरिरहँदा एक जनाले प्रज्वलनयुक्त तरल पदार्थ भएको बोतल फ्याँकेपछि आगो लाग्न शुरू भएको थियो । घटनामा संलग्न भएको आरोपमा एक जनालाई पक्राउ गरेर अनुसन्धान भइरहेको छ ।
यसैबीच इजरायलका विदेशमन्त्री गिदोन सारले कोलोराडो घटनालाई यहुदी विरोधी आक्रमण भन्दै दुःख व्यक्त गर्नुभएको छ ।
