भूमि आयोग पर्साका अध्यक्ष तबरेज अहमदले बिन्दावासिनी गाउँपालिकामा रहेको पाल स्काउट निम्न माध्यमिक विद्यालयको भौतिक र शैक्षिक अवस्था अवलोकन गर्नुभएको छ। भ्रमणका क्रममा उहाँले विद्यालयको विकास र शैक्षिक वातावरण सुधार गर्न अझ धेरै काम गर्नुपर्ने कुरा औंल्याउनुभयो।
अध्यक्ष अहमदले विद्यालय सुधारका लागि आवश्यक सहयोग र समन्वयमा आफ्नो तर्फबाट पहल गर्ने प्रतिबद्धता व्यक्त गर्नुभयो। साथै, विद्यालय विकासमा निरन्तर लाग्नुभएका मुकेश चौरसियाको योगदानको प्रशंसा गर्दै उहाँको समाजप्रति समर्पणको उच्च सम्मान गर्नुभयो।
स्थानिय तहमा शिक्षा र सामाजिक विकासका लागि सक्रिय व्यक्तित्वप्रति धन्यवाद ज्ञापन गर्दै अध्यक्ष अहमदले आगामी दिनमा अझ सशक्त प्रयास गर्ने शुभकामना व्यक्त गर्नुभयो।
यसले विद्यालय र समाज दुबै क्षेत्रको समृद्धिमा सकारात्मक प्रभाव पार्ने विश्वास गरिएको छ।
