बहुदरमाई नगरपालिकामा वृजकिशोर साहले प्रमुख प्रशासकीय अधिकृतको रूपमा पदभार ग्रहण गरेका छन्।
नव नियुक्त अधिकृत साहलाई नगर परिवार र स्थानीय बासिन्दाले स्वागत गर्दै सफल कार्यकालको शुभकामना व्यक्त गरेका छन्। उहाँको नेतृत्वमा नगरपालिका विकास निर्माण र सेवा प्रवाहमा गति आउने अपेक्षा गरिएको छ।
यसअघि कार्यरत प्रमुख प्रशासकीय अधिकृत अजय कुमार श्रीवास्तव अख्तियार दुरुपयोग अनुसन्धान आयोगद्वारा भ्रष्टाचार अभियोगमा पक्राउ परेपछि स्वतः निलम्बनमा परेका थिए।
पद रिक्त भएपछि साहलाई नगरपालिकाको प्रमुख प्रशासकीय जिम्मेवारी दिइएको हो।
