जनता समाजवादी पार्टी, नेपाल (जसपा) सप्तरी जिल्ला अध्यक्षमा पुनः केदार यादव निर्वाचित भएका छन्। मंगलबार सम्पन्न निर्वाचनमा आफ्ना प्रतिस्पर्धी उमेश यादवलाई ३० मतले पछि पार्दै उनी विजयी भएका हुन्।
निर्वाचनमा जम्मा ५०४ मत खसेकोमा केदार यादवले २३५ मत प्राप्त गरे। यसअघि पनि उनी सो पदमा रहेकाले अध्यक्षमा पुनः चयन भएका हुन्। पार्टीले जारी गरेको जानकारी अनुसार यादवले दोस्रो कार्यकालका लागि जनादेश प्राप्त गरेका हुन्।
जिल्ला उपाध्यक्षमा लक्ष्मण यादव र हरेराम यादव निर्वाचित भएका छन्। सचिवमा नीरज मुक्ति १ मतको झिनो अन्तरले विजयी बनेका छन्। उपसचिवमा रिता चौधरी र रामेश्वर यादवले जित हासिल गरेका छन् भने कोषाध्यक्षमा अमरेन्द्र यादव निर्वाचित भएका छन्।
साउन १४ गते जसपा नेपालका संघीय अध्यक्ष उपेन्द्र यादवले अधिवेशनको उद्घाटन गरेका थिए। अधिवेशनपछि भएको मतदानबाट नयाँ जिल्ला कार्यसमिति चयन गरिएको हो। बाँकी सदस्य पदका लागि दिउँसोबाट मतगणना सुरु हुने जनाएको छ।
