नारायणी अस्पतालमा झाडा–पखालाका कारण भर्ना भएका बिरामीमध्ये हालसम्म ८ जनाको परीक्षण गर्दा ५ जनामा हैजा (कोलेरा) पुष्टि भएको छ।
अस्पतालका वरिष्ठ फिजिशियन डा. उदय नारायण सिंहका अनुसार हैजा पुष्टि भएकामध्ये केही बिरामीको अवस्था गम्भीर देखिएको छ। विस्तृत विवरण दिउँसो २ बजे हुने अस्पतालको प्रेस नोटमार्फत सार्वजनिक गर्ने तयारी भएको उनले बताए।
हाल वीरगञ्ज र आसपासका क्षेत्रमा झाडा–पखालाका बिरामी दैनिक अस्पताल पुगिरहेको र हैजाको संक्रमण थप फैलिन सक्ने सम्भावनाबारे चिकित्सकहरूले सतर्क रहन आग्रह गरेका छन्।
