सशस्त्र प्रहरीले बाराको कोल्हबी नगरपालिका–८ नयाँबस्तीबाट अवैध सालको काठसहित एक ट्याक्टर नियन्त्रणमा लिएको छ। सशस्त्र प्रहरी र सब–डिभिजन वन कार्यालय मधुबनको संयुक्त टोलीले शनिबार २५ क्युफिट सालको काठ बरामद गरेको हो।
बरामद काठ र ट्याक्टरको अनुमानित मूल्य १० लाख ६० हजार रुपैयाँ रहेको छ। बरामद सामग्रीलाई आवश्यक कारबाहीका लागि सब–डिभिजन वन कार्यालय मधुबनमा बुझाइएको छ।
त्यसैगरी, मटिअर्वा सीमा नजिक भारततर्फबाट भन्सार छली ल्याउँदै गरेको रेडिमेन्ट कपडा र मोटरसाइकल समेत बरामद गरिएको छ। बरामद कपडाको मूल्य करिब ३० हजार र मोटरसाइकलको १ लाख रुपैयाँ बराबर रहेको छ।
