नेपालमा सम्माननीय सुशीला कार्कीको नेतृत्वमा नयाँ अन्तरिम सरकार गठन भएको घोषणापछि भारत सरकारले औपचारिक प्रतिक्रिया जनाएको छ।
भारतले नयाँ सरकार गठनलाई स्वागत गर्दै यसले नेपालमा शान्ति र स्थिरता कायम गर्न महत्त्वपूर्ण भूमिका खेल्ने विश्वास व्यक्त गरेको छ। भारतीय विदेश मन्त्रालयले मध्यरातमा जारी गरेको विज्ञप्तिमा भनिएको छ, ‘हामीलाई आशा छ कि यसले शान्ति र स्थिरतालाई प्रवर्द्धन गर्न मद्दत गर्नेछ।’
भारतले नजिकको छिमेकी, लोकतान्त्रिक साथी र दीर्घकालीन विकास साझेदारका रूपमा दुवै देशका जनता र राष्ट्रको समृद्धि तथा कल्याणका लागि नेपालसँग निरन्तर सहकार्य गरिरहने प्रतिबद्धता पनि जनाएको छ।
