राष्ट्रपति रामचन्द्र पौडेलले नवनियुक्त प्रधानमन्त्री सुशीला कार्कीको सिफारिसमा प्रतिनिधिसभा विघटन गर्नुभएको छ। गएराति प्रधानमन्त्रीमा नियुक्त भएकी कार्कीले आफ्नो पहिलो निर्णयमै संसद् विघटनको सिफारिस गर्नुभएको हो।
राष्ट्रपतिले सिफारिस सदर गर्दै आउँदो फागुन २१ गते बिहीबारका दिन चुनावको मिति घोषणा गर्नुभएको छ। संसद् विघटनको निर्णय गएराति ११ बजेदेखि लागू भएको छ।
जेनजी विद्रोहपछिको राजनीतिक परिस्थितिमा कार्की देशकै पहिलो महिला प्रधानमन्त्री बनेकी हुन्। उहाँलाई राष्ट्रपति पौडेलले संविधानको धारा ६१ बमोजिम नियुक्त गर्नुभएको हो।
