रौतहटको लाल बकैया नदीमा नुहाउने क्रममा दुई बालबालिकाको मृत्यु भएको छ।
जितिया पर्वको ‘नहायखाय’ अनुष्ठानका लागि शनिबार बिहान नुहाउन गएकी गौर–६ निवासी १० वर्षीया करिश्मा साह डुबेर मृत्यु भएकी हुन्। नेपाली सेनाले घन्टौँ खोजीपछि उनको शव फेला पारेको जिल्ला प्रहरी कार्यालयका प्रवक्ता डीएसपी राजु कार्कीले जानकारी दिनुभयो।
यसअघि, बिहीबार सोही नदीमा नुहाउन गएका ईशनाथ–१ का १५ वर्षीय बिगन साह बाढीले बगाउँदा बेपत्ता भएका थिए। खोजीको तेस्रो दिन उनको शव करिब ८ किलोमिटर दक्षिण भारततर्फ फेला परेको प्रहरीले जनाएको छ। शव ल्याउन स्थानीय प्रशासन र परिवारजन भारत पुगेका छन्।
