त्रिवि शिक्षण अस्पताल महाराजगञ्जको फरेन्सिक विभागमा अहिलेसम्म ४६ जना मृतकको शव ल्याइएकामध्ये २८ जनाको पोस्टमार्टम सकिएको छ ।
फरेन्सिक विभाग प्रमुख डा. गोपाल चौधरीका अनुसार २३ जनाको शव आफन्तले बुझेर लगिसकेका छन् भने सात शव चिन्न नसकिने अवस्थामा छन् । ती शवको डीएनए परीक्षण आवश्यक पर्नेछ ।
गोली लागेको, जलेको र गम्भीर चोटपटक परेका शवहरू अस्पतालमा ल्याइएका छन् ।
यसैबीच नवनियुक्त ऊर्जामन्त्री कुलमान घिसिङ मृतकका आफन्त र उपचाररत घाइते भेट्न शिक्षण अस्पताल पुग्नुभएको छ । अस्पतालमा हाल २२ जना उपचाररत छन् ।
