जेन–जी आन्दोलनको क्रममा ज्यान गुमाएका सर्लाहीको लालबन्दी नगरपालिका–५ निवासी देवकुमार सुवेदीका परिवारले सरकारबाट उपलब्ध राहत रकम प्राप्त गरेका छन्।
प्रमुख जिल्ला अधिकारी तुलसीबहादुर श्रेष्ठका अनुसार, मृतककी पत्नी पार्वती अधिकारीलाई आइतबार १५ लाख रुपैयाँ प्रदान गरिएको छ। मन्त्रिपरिषद् बैठकको निर्णयअनुसार मृतकका परिवारका लागि १० लाख रुपैयाँ क्षतिपूर्ति र ५ लाख रुपैयाँ अन्य खर्चको रूपमा गृह मन्त्रालयबाट रकम उपलब्ध गराइएको हो।
सुवेदीको ज्यान जेन–जी आन्दोलनका क्रममा काठमाडौंमा गएको थियो।
