वीरगंजमा राति भएको ग्याङ फाइटमा एक युवकको ज्यान गएको छ।
प्रहरीका अनुसार गहवामाई मेलाको क्रममा राति करिब १२ देखि १ बजेको बीचमा माईस्थान र घडिअर्वा पोखरी क्षेत्रको गितामन्दिर रोडमा दुई युवा समूहबीच झगडा भएको थियो।
झगडामा घाइते भएका वीरगंज–१०, अशोक वाटिका निवासी करिब १८ वर्षीय गोल्डेन खानलाई उपचारका लागि नारायणी अस्पताल लैजाँदै गर्दा बाटोमै मृत्यु भएको पुष्टि भएको छ।
घटनापछि प्रहरीले गितामन्दिर रोड क्षेत्रलाई सिल गरी अनुसन्धान थालेको छ। संलग्न भएको आशंकामा केही व्यक्तिलाई नियन्त्रणमा लिइएको छ भने अन्य फरार युवाको खोजी जारी रहेको प्रहरी स्रोतले जनाएको छ।
मृतकको शव नारायणी अस्पतालमा राखिएको छ।
