Aadarsh-Daily

बाराको चुरियामाई नजिक बस दुर्घटना, २ जनाको मृत्यु, ४ घाइते

ad-4p

बाराको पथलैया–हेटौंडा सडकखण्डको चुरियामाई नजिक उकालोमा बसको ब्रेक फेल हुँदा दुःखद दुर्घटना भएको छ। घटनामा दुई जनाको मृत्यु भएको छ भने तीन नाबालकसहित चार जना घाइते भएका छन्।

content ad p2

प्रहरीका अनुसार जनकपुरबाट काठमाडौँतर्फ जाँदै गरेको यात्रुवाहक बस (ना ५ ख ८५३७) अचानक पछाडि सरेर ब्रेक फेल भएपछि पछाडि रहेका दुई मोटरसाइकलसँग ठोक्किएको हो। ठक्कर परेको मोटरसाइकलहरूमा ना १२ प ३३६० र मधेश प्रदेश ०३-०२४ प ४४९५ नम्बर रहेका थिए।

content left

दुर्घटनामा मोटरसाइकल चालक २५ वर्षीय मकेश्वर पटेल र पछाडि सवार २६ वर्षीया कविता देवीको उपचारका क्रममा बाटोमै मृत्यु भएको छ। मोटरसाइकल चालक कविताका श्रीमान् कञ्चनकुमार पटेल घाइते भएका छन्। घाइतेहरूलाई उपचारका लागि हेटौंडा लगिएको छ।

बस चालक ४७ वर्षीय विश्वनाथ चौधरी, जो सर्लाहीको लालबन्दी नगरपालिका–३ का निवासी हुन्, प्रहरी नियन्त्रणमा रहेका छन्। प्रहरीले दुर्घटनाको थप कारण अनुसन्धान गरिरहेको छ।

स्थानीयवासी र यातायात प्रशासनले सडकमा सुरक्षाका नियम पालना गर्न सबैलाई सचेत हुन आग्रह गरेका छन्।

सम्बन्धित खबर

पोखरिया नगरपालिकामा तलबको सकस, महिनौँदेखि कर्मचारीको हात रित्तै

Aadarsh Daily

चक्रवातको प्रभावले भारी वर्षाको सम्भावना, पर्सामा उच्च सतर्कता अपनाउन प्रशासनको आग्रह

Aadarsh Daily

एनपीएलमा लुम्बिनीको धमाका, सुदूरपश्चिम ७ विकेटले पराजित

Aadarsh Daily