रौतहटको गौर नगरपालिका–१ मा बाढीको पानीमा डुबेर तीन बालिकाको मृत्यु भएको छ।
मृतकहरूमा राजदेवी नगरपालिका–८ की १३ वर्षीया आस्था कुमारी बैठा, १५ वर्षीया रागनी यादव र मौसमी बैठा रहेका छन्।
सात जनाको समूहमा घाँस लिन गौरतर्फ जाँदै गर्दा उनीहरू सीमा क्षेत्र नजिक बाढीको पानीमा डुबेका थिए।
स्थानीयले चार जनालाई सकुशल उद्धार गरे पनि तीन बालिकाको मृत्यु भएको जिल्ला प्रहरी कार्यालय रौतहटले जनाएको छ।
नेपाल प्रहरी र सशस्त्र प्रहरीले खोजी गर्ने क्रममा तीनै बालिकाको शव फेला परेको हो।
