गत आर्थिक वर्षमा पर्सा जिल्लामा ९६३ नयाँ घरेलु उद्योग दर्ता भएका छन्, जसमा कुल लगानी १ अर्ब ६२ करोड ५६ लाख ८५ हजार ५०० रुपैयाँ रहेको छ। यसमध्ये स्थिरपुँजी १ अर्ब ७७ लाख ९ हजार ३६० र चालुपुँजी ६७ करोड ४४ लाख ७ हजार ५४० रहेको छ।
घरेलु तथा साना उद्योग कार्यालय वीरगञ्जका प्रमुख पवन पञ्जीयारका अनुसार, यी उद्योगले २,८९८ जनालाई रोजगार दिनेछन्, जसमा १,७३७ पुरुष र १,१६१ महिला रहेका छन्।
उद्योग प्रकार अनुसार, उत्पादकमूलक उद्योग २१८, कृषि तथा वन अन्य उद्योग १४४, निर्माण ७५, पर्यटन १०८ र सेवा ४२० उद्योग दर्ता भएका छन्। यी उद्योगहरूको कुल पुँजी क्रमशः ४३ करोड ८२ लाख, ३९ करोड ३५ लाख, १० करोड ३३ लाख, २ करोड २३ लाख र ६६ करोड ८२ लाख रहेको पञ्जीयारले जानकारी दिए।
