वीरगंज–१६ स्थित नयाँ बसपार्कमा पार्किङ गरेर राखिएका दुईवटा बसमा मध्यराति आगलागी भएको छ।
मंगलबार राति करिब १२:४५ बजेतिर लागेको आगोले जम जम ट्राभल्स लेखिएका ना ५ ख ६२१६ र ना ५ ख ६२१७ नम्बरका दुवै बस पूर्ण रूपमा जलेर नष्ट भएका छन् ।
वडा प्रहरी कार्यालय श्रीपुरका प्रहरी निरीक्षक नविन थापा मगरका अनुसार आगलागीपछि प्रहरी र वीरगन्ज महानगरपालिकाको अग्नि नियन्त्रण टोलीले दमकल परिचालन गरी आगो नियन्त्रणमा ल्याइएको हो ।
आगो लाग्ने कारण स्पष्ट नभएको र घटनाबारे प्रहरीले अनुसन्धान सुरू गरेको प्रहरीले जनाएको छ ।
