नेपाली कांग्रेसले मुलुक अभूतपूर्व राजनीतिक संकटमा परेको बेला सबै राजनीतिक दल, नागरिक समाज र बुद्धिजीवीसँग सहकार्य र संयमता अपनाउन अपिल गरेको छ ।
शनिवार सानेपास्थित केन्द्रीय कार्यालयमा बसेको कार्यसमितिको बैठकले सबैले एकताबद्ध भएर संकटको सामना गर्नुपर्ने निष्कर्ष निकालेको हो।
बैठकले जेनजी आन्दोलनका क्रममा भएको आक्रमण, लुटपाट र आगजनीका घटनाको निष्पक्ष छानबिन गरी पीडितलाई क्षतिपूर्ति उपलब्ध गराउन र सरकारी संरचनाको यथाशीघ्र पुनःनिर्माण गर्न सरकारसँग माग गरेको छ।
साथै, आन्दोलनले उठाएका भ्रष्टाचार अन्त्य, सुशासन, पारदर्शिता र जनअधिकारको सुनिश्चितताका मागलाई प्राथमिकतामा राख्नुपर्ने कांग्रेसको निर्णय भएको छ।
बैठकले सभापति शेरबहादुर देउवाले प्रस्तुत गरेको लिखित मन्तव्यलाई अनुमोदन गर्दै देउवाको स्वास्थ्य लाभको कामना पनि गरेको छ।
