संयुक्त अरब इमिरेट्सको कारवान मैदानमा टस हारेर ब्याटिङ गरेको घरेलु टोली यूएईले ४५ ओभर ५ बलमा १ सय ४७ रन बनाउँदै अलआउट भयो। यूएईका अहमद खुदादादले सर्वाधिक ७१ रन बनाउँदै टीमको योगफल उच्च बनाएका थिए ।
नेपालका दयानन्द मण्डलले ६ विकेट लिए भने अपराजित पौडेलले २ रनमात्र दिए। नितिशकुमार पटेल र कप्तान अशोक धामीले १–१ विकेट लिए। कप्तान धामीले १० ओभरमा ४ मेडन राख्दै केवल ९ रन खर्च गरे।
नेपालले सेमिफाइनलमा मलेशियालाई पराजित गर्दै फाइनलमा स्थान बनाएको हो। फाइनलमा शीर्ष ३ मा रहेर नेपाल र यूएई एसीसी १९ वर्षमुनिको एशिया कपमा पनि छनोट भएका छन्। अहिले तेस्रो स्थानका लागि ओमान र मलेशियाबीच प्रतिस्पर्धा जारी छ।
