वीरगञ्ज । जनता समाजवादी पार्टी (जसपा), नेपालका नेता रामनरेश यादवले पर्सा निर्वाचन क्षेत्र नम्बर–१ बाट र अशोक टेमानीले निर्वाचन क्षेत्र नम्बर–२ बाट प्रतिनिधिसभा सदस्यका लागि उम्मेदवारी दर्ता गराएका छन्।
उनीहरूले मंगलबार निर्वाचन अधिकृतको कार्यालयमा पुगेर औपचारिक रूपमा आ–आफ्नो उम्मेदवारी दर्ता गराएका हुन्।
यससँगै वीरगञ्जसहित देशभरका विभिन्न राजनीतिक दलका उम्मेदवारहरूले मनोनयन दर्ता गर्ने क्रम जारी रहेको छ। निर्वाचन आयोगका अनुसार देशभरका १६५ निर्वाचन क्षेत्रमा उम्मेदवारी साँझ ५ बजेसम्म दर्ता गर्न सकिने व्यवस्था गरिएको छ।
