वीरगंज, २९ माघ । पर्साको पकाहामैनपुर गाउँपालिका वडा नम्बर–४ मा **नेकपा एमाले**को घरदैलो अभियान तथा मतदाता भेटघाट कार्यक्रम उत्साहपूर्ण रूपमा सम्पन्न भएको छ। कार्यक्रममा स्थानीयवासीको उल्लेखनीय सहभागिता रहेको थियो।
मतदाता भेटघाटका क्रममा पर्सा निर्वाचन क्षेत्र नम्बर–३ बाट प्रतिनिधिसभा सदस्यका उम्मेदवार **रूपेश कुमार पाण्डे**ले राष्ट्र र राष्ट्रियताको रक्षा, राजनीतिक स्थिरता र समृद्धिका लागि एमालेको नेतृत्वमा सरकार आवश्यक रहेको बताए। उनले पर्सा–३ लाई कृषि, उद्योग, रोजगारी र पूर्वाधार विकासको केन्द्र बनाउने स्पष्ट योजना अघि सारे।
कार्यक्रममा सहभागी मतदाताहरूले पाण्डेको विकास दृष्टिकोणको प्रशंसा गर्दै फागुन २१ गते हुने निर्वाचनमा उनलाई विजयी गराउने प्रतिबद्धता व्यक्त गरेका छन्।
