बारा । बारामा दुई वटा मोटरसाइकल एकआपसमा ठोक्किँदा एक जनाको मृत्यु भएको छ भने दुई जना घाइते भएका छन्।
मृत्यु हुनेमा सिम्रौनगढ नगरपालिका–५ निवासी ४५ वर्षीय सुरेन्द्र महतो रहेका छन्।
सोमबार बेलुकी सिम्रौनगढ नगरपालिका–५ मा बीआर ०५ एए ८४४४ नम्बरको मोटरसाइकल र बीआर ३० भी ४६३७ नम्बरको मोटरसाइकल एकआपसमा ठोक्किँदा महतो गम्भीर घाइते भएका थिए। उनी बीआर ३० भी ४६३७ नम्बरको मोटरसाइकलमा सवार थिए।
गम्भीर घाइते महतोको कलैयास्थित प्रादेशिक अस्पतालमा उपचारका क्रममा मृत्यु भएको प्रहरीले जनाएको छ।
उक्त दुर्घटनामा घाइते भएका बीआर ३० भी ४६३७ नम्बरको मोटरसाइकल चालकको समाज अस्पताल, कलैयामा उपचार भइरहेको छ भने सोही मोटरसाइकलमा सवार अर्का एक जनाको वीरगञ्जस्थित हिमाल अस्पतालमा उपचार भइरहेको प्रहरीले जानकारी दिएको छ।
