काठमाडौं । अख्तियार दुरुपयोग अनुसन्धान आयोगले धनुषाको बृहत्तर जनकपुर क्षेत्र विकास परिषदका तत्कालीन अध्यक्ष शालीग्राम सिंहसहित ६ जनाविरुद्ध भ्रष्टाचार मुद्दा दायर गरेको छ।
आयोगले आइतबार विशेष अदालत काठमाडौंमा मुद्दा दायर गर्दै उनीहरूमाथि ५५ लाख २ हजार ८५४ रुपैयाँ हिनामिना गरेको आरोप लगाएको हो।
मुद्दा दायर गरिएकामध्ये तत्कालीन अध्यक्ष शालीग्राम सिंह, कार्यकारी निर्देशक बलराम ठाकुर, प्रशासकीय अधिकृत चिरंजिविराज शर्मा ढुंगाना, लेखापाल सावित्री कुमारी गिरी र खरिदार मनद कुमार चौधरी सूडी रहेका छन्। साथै ईशिता ट्रेडर्स तथा सोका सञ्चालक पशुपतिनाथ पाठकलाई पनि प्रतिवादी बनाइएको छ।
आयोगका अनुसार आर्थिक वर्ष २०७६/०७७ मा बायो शौचालय खरिद कार्यमा मिलेमतो गरी भुक्तानी दिँदै भ्रष्टाचार गरिएको ठहर गर्दै आरोपपत्र दायर गरिएको हो।
