धनुषाको मिथिला नगरपालिका–७ ढल्केबरस्थित जनकपुर रिफाइनरीमा आगलागी हुँदा करिब १५ करोड रुपैयाँ बराबरको क्षति भएको छ।
आगलागीमा रिफाइनरीका स्टिम र थर्मोफुल मेसिन जलेका छन्। पाँच वटा वारुणयन्त्रसहित सुरक्षाकर्मीको संयुक्त प्रयासमा करिब दुई घण्टापछि आगो नियन्त्रणमा लिइएको थियो।
घटनाको कारण खुल्न बाँकी रहेको प्रहरीले जनाएको छ। क्षतिको पूर्ण विवरण संकलन गर्न अझै केही दिन लाग्ने बताइएको छ।
