राष्ट्रिय स्वतन्त्र पार्टी (रास्वपा) को संसदीय दलको अनौपचारिक बैठक सुरु भएको छ।
सिंहदरबारस्थित संसदीय दलको कार्यालयमा जारी बैठकमा पार्टी सभापति रवि लामिछानेसहित काठमाडौं उपत्यकामा उपलब्ध सांसदहरूको उपस्थिति रहेको छ।
सरकारले संसद छल्दै अध्यादेश सिफारिस गरेको विषयमा उठेको विवादपछि सभापति लामिछानेले आफ्ना सांसदहरूसँग छलफल गर्न बैठक बोलाएका हुन्।
सरकारले मंगलबार दुई अध्यादेश जारी गर्न राष्ट्रपतिसमक्ष सिफारिस गरेको थियो। उक्त कदमप्रति विभिन्न राजनीतिक दल तथा सरोकारवाला पक्षबाट चर्को आलोचना भइरहेको छ।
बैठकमा अध्यादेशप्रति पार्टीको आधिकारिक धारणा, आगामी रणनीति तथा संसदमा लिने अडानबारे छलफल हुने जनाइएको छ।
`0
