काठमाडौं । भोजपुरी फिल्म उद्योगका चर्चित अभिनेता तथा गायक खेसारीलाल यादव ले नेपाल एयरलाइन्सको नक्सा विवादमा व्यंग्यात्मक प्रतिक्रिया दिएका छन् ।
नेपाल सरकारको स्वामित्वमा रहेको नेपाल एयरलाइन्स ले सामाजिक सञ्जालमा सार्वजनिक गरेको एक प्रचार सामग्रीमा भारत प्रशासित जम्मु–कश्मीर क्षेत्रलाई पाकिस्तानको भूभागका रूपमा देखाएपछि विवाद उत्पन्न भएको थियो ।
उक्त विषय सार्वजनिक भएपछि भारतमा तीव्र आलोचना भएको थियो । यसैक्रममा यादवले पनि सामाजिक सञ्जालमार्फत कडा आपत्ति जनाउँदै यस्तो कार्य किन गरिएको हो भन्ने प्रश्न उठाएका थिए ।
विवाद चर्किएपछि नेपाल एयरलाइन्सले बिहीबार बिहान सम्बन्धित पोस्ट हटाउँदै सार्वजनिक रूपमा माफी मागेको छ । एयरलाइन्सले जारी गरेको विज्ञप्तिमा नक्सामा ‘अन्तर्राष्ट्रिय सीमासम्बन्धी गम्भीर त्रुटि’ भएको स्वीकार गर्दै उक्त सामग्री आफ्नो आधिकारिक धारणा नभएको स्पष्ट पारेको छ । साथै, त्रुटिबारे आन्तरिक समीक्षा भइरहेको जनाएको छ ।
माफीपछि यादवले सामाजिक सञ्जाल ‘एक्स’ मा एयरलाइन्सको वक्तव्य पुनःपोस्ट गर्दै व्यंग्य गर्दै लेखेका छन्— “यति गाह्रो अंग्रेजी बुझ्न सकिएन, तर माफी मागिएको जस्तो लाग्यो । भाई हमार !”
यसअघि उनले पोस्ट हटाएर मात्र नपुग्ने, स्पष्ट जवाफ दिनुपर्ने भन्दै प्रतिक्रिया दिएका थिए ।
४० वर्षीय यादवले भोजपुरी फिल्म उद्योगमा ७० भन्दा बढी फिल्ममा अभिनय गरिसकेका छन् भने हजारौँ गीतमा स्वर दिएका छन् । ‘मेहन्दी लगा के रखना’ र ‘संघर्ष’ जस्ता फिल्ममार्फत उनी विशेष चर्चामा आएका छन् ।
(स्रोत: नवभारत टाइम्स)
