वीरगन्ज, माघ २८
भारतिय जनता पार्टी (भाजपा) का दिल्ली प्रदेशका पूर्व अध्यक्ष एवं भारतका चिरपरित सांसद मनोज तिवारीसंग शुक्रवार नेपाल विश्व हिन्दु महासंघका प्रतिनिधि बिच भेटवार्ता भएको छ । शुक्रवार नयाँ दिल्लीमा सांसद तिवारी र महासंघका केन्द्रिय बरिष्ठ उपाध्यक्ष बिजय प्रकाश निषाद र महासचि अभिषेक तिवारी बिच सरकारी आवासमा भेटवार्ता सम्पन्न भएको हो ।
दुईपक्षीय छलफलमा नेपाल र भारत बिचको सम्बन्ध थप बलियो बनाउने, दुबै देशमा रहेका धार्मिक स्थलहरुमा पुरै विश्वका हिन्दुहरुको पहुँच बढाउने , खुल्ला सिमाना र हिन्दु राष्ट्र लगायतका समसामयिक विषयमा कुराकानी भएको महासंघका महासचिव अभिषेक तिवारीले जानकारी दिए ।
उनका अनुसार भारतीय सांसद मनोज तिवारीले नेपाल भारत बिचको सम्बन्ध पुरातनकाल देखि नै प्राकृतिक रूपमा रहेको तथा दुबै देशका नागरिक बिच बेटि रोटीको सम्बन्ध समेत रहेको बताए ।
सांसद तिवारीले भौगोलिक निकटका साथ धार्मिक, सामाजिक र सांस्कृतिक समानताका कारण नेपाल–भारत बीचको सम्बन्ध अनुपम रहेको बताउदै दुबै देश बिचको सुमधुर सम्बन्ध बिगार्न कुनैपनि शक्तिले जतिसुकै प्रयास गरेपनि दुई देश बिच कुनै किसिमको तिक्तता नआउने समेत बताएका छन । उनले नेपाल–भारत बिचको बेटीरोटीको सम्बन्ध थप बलियो बनाउन आफु पहलमा लागेको समेत बताए ।
