बारा । जिल्ला प्रहरी कार्यालय बाराले ५ वर्ष देखि हराएकी दुई महिलाको उद्धार गरेको छ । जिल्लाको कोल्हवी नगरपालिका वडा नम्बर ७ धोधारपा बस्ने मानसिक अवस्था ठिक नभएको वर्ष २३ की रंजिता चौधरी र देवताल गाँउपालिका वडा नम्बर ४ बस्ने वर्ष ४० की बबिता देवी गिरीको उद्धार गरिएको प्रहरीले जनाएको छ ।
दुबै महिला ५ वर्ष देखि हराएको सूचना प्रहरी समक्ष आए पछी जिल्ला प्रहरी कार्यालयबाट बिभिन्न माध्यमहरूद्वारा खोज तलास गर्दै जाने क्रममा देश भारतको अन्जली मेन्टल हेल्थ राइट्स अर्गनाइजेसनमा उपचरार्थको अवस्थामा फेला परेको थियो ।
प्रहरीले उक्त संस्थाको समन्वयमा फागुन ५ गते दुबै महिलाहरूलाई उद्दार गरि अभिभावकलाई जिम्मा लगाईएको जिल्ला प्रहरी कार्यालय बाराले जनाएको छ ।
