वीरगञ्ज । जिल्ला प्रहरी कार्यालय पर्साले ३ किलोग्राम प्रतिबन्धित लागूऔषध गाँजासहित एक जनालाई पक्राउ गरेको छ । वीरगञ्ज महानगरपालिका वडा नम्बर १७ अलौबाट सेतो प्लाष्टिकको झोला साथमा लिई शंकास्पद रुपमा भारततर्फ जाँदै गरेको अवस्थामा एक जनालाई प्रहरीले पक्राउ गरेको हो ।
जिल्ला प्रहरी कार्यालय पर्साबाट खटिएको चेकिङ् टोलीले खानतलासी गर्ने क्रममा पर्साको पर्सागढी नगरपालिका वडा नम्बर ९ एकटांगा बस्ने ४२ वर्षीय मुरारी प्रसाद यादवले आफ्नै शरिरमा टेपले बेरी लुकाईछिपाई राखिएको अवस्थामा ३ किलो २ सय ग्राम गाँजा फेला परेको प्रहरी नायब उपरीक्षक कुमारविक्रम थापाले जानकारी दिए ।
प्रवक्ता थापाकाअनुसार पक्राउ परेका यादवविरुद्ध लागूऔषध सम्बन्धी कसूरमा आवश्यक अनुसन्धान भइरहेको छ ।
