वीरगञ्ज । वडा प्रहरी कार्यालय बिर्ताले १ जनालाई पक्राउ गरेको छ ।
वीरगञ्ज महानगरपालिका वडा नम्बर १० आदर्शनगरस्थित ठाकुरराम बहुमुखी क्याम्पस पछाडी श्रवण सर्राफको घरको ताल्चा फुटाइरहेको सूचनाको आधारमा प्रहरीले अनुसन्धान सुरु गरेको थियो ।
अनुसन्धानको क्रममा भारतको मोतिहारी जिल्ला घर भई हाल बाराको जितपुरसिमरा उपमहानगरपालिका वडा नम्बर ७ बस्ने ३० वर्षीय प्वेज खनाललाई ताल्चा फुटाउने औजारसहित पक्राउ गरिएको वडा प्रहरी कार्यालय बिर्ताका प्रमुख प्रहरी निरीक्षक पुस्कर बोगटीले बताए । उनकाअनुसार निजविरुद्ध चोरी सम्बन्धी कसूरमा आवश्यक अनुसन्धान भइरहेको छ ।
