Aadarsh-Daily

महाधिवेशन तयारीको एजेन्डा लगायतको विषयमा लोसपा पदाधिकारी बैठक सुरु

ad-4p
content left
काठमाडौँ । लोकतान्त्रिक समाजवादी पार्टी नेपालको पदाधिकारी बैठक सुरु भएको छ । महाधिवेशन तयारीको एजेन्डा लगायतको विषयमा छलफल गर्न आजदेखि बैठक सुरु भएको छ ।

महासचिव मनिष मिश्रका अनुसार वैशाखमा महाधिवेशन गर्नेगरी पार्टीले तयारी थालेको छ । त्यसैमा विचार विमर्श गर्न आजदेखि केन्द्रीय पदाधिकारीको बैठक सुरु भएको हो ।

 वैशाखमा महाधिवेशन गर्ने निश्चित भएपछि त्यही अनुसार पार्टी सङ्गठन निर्माणको काम अगाडि बढ्ने र त्यसका लागि पदाधिकारी बैठकले विभिन्न कार्यक्रमहरू तय गर्ने उनले बताए । यो बैठकको पहिलो एजेन्डा नै पार्टी सुदृढीकरण सम्बन्धमा रहेको छ । पार्टीको केन्द्रीय समिति, कार्यकारिणी तथा पदाधिकारी समिति बाहेक अरू कुनै संरचना छैन ।

सबै प्रदेश, जिल्ला, पालिकामा समेत सांगठानिक संरचना छैन । यी सबैलाई महाधिवेशनअघि नै सुदृढ गर्नेगरी बैठकमा छलफल हुने बताइएको छ । सो

पार्टीमा चार महिनाअघि नै साधारण सदस्य वितरणको काम सुरु भैसकेको थियो । ‘तीन महिनासम्म सदस्यता वितरण भयो । त्यसको जानकारी पनि केन्द्रमा आइसकेको छ । के कति सदस्यता वितरण भयो । त्यसको बारेमा पनि समीक्षा हुने र पुनः सदस्यता वितरणको काम अगाडि बढाउने तयारी छ’ मिश्रले भने ।

यो बैठकले संविधान संशोधनको विषयमा पनि छलफल गर्ने जनाइएको छ । त्यस्तै संविधान संशोधन र पार्टीको लेबी लगायतका विषयमा पनि बैठकमा छलफल गर्ने बताइएको छ ।


content ad p2

सम्बन्धित खबर

पोखरिया नगरपालिकामा तलबको सकस, महिनौँदेखि कर्मचारीको हात रित्तै

Aadarsh Daily

चक्रवातको प्रभावले भारी वर्षाको सम्भावना, पर्सामा उच्च सतर्कता अपनाउन प्रशासनको आग्रह

Aadarsh Daily

एनपीएलमा लुम्बिनीको धमाका, सुदूरपश्चिम ७ विकेटले पराजित

Aadarsh Daily