वीरगंज – गत शनिबार चैत्र ३० गते हनुमान जयन्तिको दिन साम्प्रादायिक हिँसा भड्काएको आरोपमा पक्राउ परेकाहरु माथि जिल्ला अदालत पर्साबाट म्याद लिएर प्रहरीले अनुसन्धान अगाडी बढाएको छ ।
पक्राउ परेका शेख खुर्शेद , सलाउदीन मियाँ ठुकुराई , रवि सर्राफ र बल्जित सिंहमाथि अनुसन्धान गर्नको लागी जिल्ला अदालत पर्साले प्रहरीलाई ६ दिनको म्याद दिएको छ । प्रहरीले अदालत समक्ष उनीहरुमाथि अनुसन्धान गर्नको लागी ७ दिनको म्याद मागेको भएक पनि अदालतले ६ दिनको म्याद दिएको हो ।
पक्राउ परेका चारजना मध्ये दुई जनालाई राज्यविरुद्धको कसर र दुई जनालाई अपराधिक उपद्रो मुद्दामा प्रहरीले अनुसन्धान गर्नको लागी अदालतसंग म्याद लिएको हो ।
पर्सा प्रहरीले बुधवार थप एकजनालाई पक्राउ गरेको छ । पक्राउ पर्नेमा शकिल मियाँ छन । प्रहरीले सिसिटिभि फुटेज, ड्रोन र सामाजिक सञ्जालको भिडियो विश्लेषणको आधारमा उनीहरुलाई पक्राउ गरेको जिल्ला प्रहरी कार्यालय पर्साका प्रहरी प्रवक्ता किशोर लम्सालले बताउनुभएको छ ।
