नेपाल क्रिकेट संघ (क्यान)ले निलम्बन फुकुवा गरेपछि आदिल अन्सारी क्रिकेटमा फर्किएका छन्।
सोमबार जनकपुरधामस्थित निर्माणाधीन रामजानकी बहुउद्देश्यीय रंगशालामा जारी तेस्रो मेयर कप टी–२० प्रतियोगिताको क्रममा उनले निलम्बन फुकुवापछि पहिलो खेल खेलेका हुन्।
बारा क्रिकेट टिमबाट खेलेका अन्सारी आजको खेलमा शून्य रनमा आउट भए। पर्साविरुद्धको खेलमा अन्सारीले २ बल सामना गरेका थिए। उनी रञ्जित कुमारको बलमा आउट भए।
क्यानले दुई वर्षअघि आयोजना गरेको नेपाल–२० लिगका क्रममा स्पट फिक्सिङ प्रकरणमा मुछिएपछि उनी निलम्बनमा परेका थिए। क्यानले उनको निलम्बन केही दिनअघि मात्रै फुकुवा गरेको थियो।
